«Челси» бош мураббийи Антонио Конте футболчиларининг овқатланиш тартибига ўзгартириш киритишни истади.
The Times хабарига кўра, италиялик мутахассис клубда футболчиларнинг парҳезига ҳеч ким эътибор қаратмаётганидан ҳайрон бўлган. Шунинг учун Конте бир қатор жиддий чекловларни жорий қилди. Хусусан, газли ичимликлар, кетчуп, пицца, ёғли ва юқори калорияли овқатлар клуб менюсидан олиб ташланди.
Бундан ташқари футболчиларнинг жисмоний ҳолатини маромида ушлаб туриш учун фитнесс-режим жорий қилинди.
Мураббий ўйин пайти ва ўйиндан кейинги менюга алоҳида эътибор қаратиб, кийиниш хонасида овқатланишни кескин тақиқлади.
