Бугун Ўзбекистон Биринчилигининг иккинчи даврасига старт берилди.

Ҳаққулободдаги «Шодлик» ўйингоҳида «Норин» жамоаси Тошкентнинг «НБУ-Осиё» жамоасини қабул қилиб иродали ғалабага эришди. Дастлаб Олим Навкаров меҳмонларни ҳисобда олдинга олиб чиқди. Иккинчи бўлимда эса ҳаққулободликлар матонат кўрсатишиб, якунда 2:1 ҳисобида зафар қучди.

«Норин» давралар оралиғида ўз таркибини кучайтириш учун бир нечта ўйинчиларни таклифқилди. «Цементчи»дан Элдор Исабоев, «Обод»дан Санжар Тўрақулов шулар жумласидан. Шунингдек, Даврон Каримов ўрнини Шокир Абдуллаев эгаллаган.

Дарвоқе, учрашувни кузатиш учун ўйингоҳга «Навбаҳор» раҳбари Даврон Каримов, шунингдек ўйинчилардан Артур Парванов, Мурод Тўйчибоев, Доржи Сангаджиев, Руслан Вагапов ва Владислав Алексинлар ташриф буюрди.

Бугун, шунингдек Меҳмон Солихўжаев жамоаси «Хотира-79» Тошкентда «Локомотив-БФК»га йирик ҳисобда мағлуб бўлди - 5:1.

Ушбу турда «Косонсой» дам олди.

1-лига. 19-тур
«Норин»-«НБУ-Осиё» 2:1
Голлар: Жавлон ... 75, Шохруҳ ... 90+2 - Олим Навкаров 22.

«Локомотив-БФК» – «Хотира-79» 5:1. 
Голлар: О. Ҳакимов (10, 90), Д. Умархонов (37, 81), Х. Сотволдиев (55) – И. Эргашев (63, пенальти).
Четлатишлар: А. Абдуҳамитов – А. Муродиллаев