Шанба куни Англия премьер-лигасининг янги мавсуми старт олади. ВВС телеканалида эса «Match of the Day» кўрсатуви яна эфирга чиқа бошлайди. Хўш, кўрсатувни олиб борувчи машҳур футболчи Гари Линекер ўз ваъдасининг устидан чиқадими? Англия премьер-лигаси футбол мухлисларнинг бошида шу фикр айланмоқда.
Гап шундаки, ўтган мавсумнинг ўрталарида Гари Линекер «Лестер» клубини чемпион бўлишига шубҳа билдирган ва бу воқеа юз берса, кўрсатувини ич кийимда олиб боришга ваъда берган эди.
Якунда «Лестер» чемпионликни қўлга киритди. Энди кўрсатув мухлислари Линекерни ўз ваъдасига вафо қилишини кутишмоқда.
