Эрон миллий терма жамоаси бош мураббийи Карлуш Кейруш "Форс паланглари"нинг Италия йиғинига йўл олган 25 футболчиси номини маълум қилди.
Эрон миллий терма жамоаси рулидаги португалиялик мутахассис Карлуш Кейруш бугун Теҳрондаги "Озодий" меҳмонхонасида ЖЧ-2018 III саралаш босқичининг Қатар ва Хитой терма жамоаларига қарши кечадиган дастлабки турлари учун йиғинга танлаб олинган 25 нафар футболчининг номини ошкор этди.
Кейруш саралаш босқичи учун якуний таркиб Италия йиғинларидан сўнг тўлиқ шакллантирилиши билдирди. Италияга йўл оладиган таркиб қуйидагича кўриниш олган:
Дарвозабонлар: Алиризо Байронванд, Муҳаммадризо Ахборий, Рашид Мозоҳирий.
Ҳимоячилар: Саййид Жалол Ҳуссайний, Пажмон Мунтазирий, Муртазо Пурали Ганжий, Муҳаммад Тоййибий, Эҳсон Ҳожсофий, Рамин Ризоиён, Пуря Ғофурий, Сайид Оғоий ва Муҳаммад Ансорий.
Яримҳимячилар: Андроник Темуриян, Камол Камёбиния, Дариуш Шўъжаиён, Умид Иброҳимий ва Иззатуллоҳ Пурғоз.
Ҳужумчилар: Ашкан Дежага, Раҳим Завиҳий, Маҳди Туробий, Воҳид Амирий, Маҳди Тарумий, Эҳсон Паҳловон, Суруш Рофеъий ва Муртазо Табризий.
