Биринчи даврада 21 очко тўплаб, мусобақада саккизинчи ўринни банд этиб турган жамоамиз мавусумнинг иккинчи қисмида ижобий натижага эриша олмаяпти.
16-турда ўз майдонида "Бухоро" билан ўтган баҳсда пенальтидан урилган ягона гол рақибга уч очко туҳфа этди.
17-турда жамоа сафарда турнир жадвалида учинчи ўринда бораётган "Насаф" меҳмони бўлди. Бу гал ҳам битта тўп фарқида имконият бой берилди - 1:2.
Кеча бўлиб ўтган 18-тур баҳсида ҳам жамоамиз битта тўп фарқига мағлубиятга учради. Бу гал уч очко билан Олмалиқдан Навоийнинг "Қизилқум" жамоаси қайтадиган бўлди.
Жамоамизни август ойида яна иккита жиддий баҳс кутмоқда. 18 август куни Бекобод шаҳрида "Металлург" билан ва 26 август куни ўз майдонимизда "Бунёдкор" билан ўтадиган учрашувларда жамоамизга омад тилаймиз.
