Алабама штати сенатори Фред Калхун Рио-2016 очилиш маросимида Грузия делегациясини кўриб, жазавага тушди ва Халқаро Олимпия қўмитасига хат ёзди, деб хабар бермоқда US Daily Mail. Гап шундаки Грузия мамлакатининг номи инглиз тилида Жоржия (Georgia) деб ёзилади ва АҚШнинг Жоржия штати номи билан бир хил.
«Мен Рио-2016 очилиш маросимини кўрдим ва Жоржия штатига олимпиада ўйинларида алоҳида жамоа бўлиб иштирок этишга рухсат берганингиздан даҳшатга тушдим. Алабама штатида дунёдаги энг қобилиятли спортчилар яшайди. 5 миллион аҳоли номидан сўрайман, келгусида худди Жоржия штати каби биз ҳам Олимпиадада мустақил жамоа бўлиб иштирок эта оламизми?» - деб ёзди Калхун ўз хатида.
Шундан сўнг, US Daily Mail журналистлари Жоржия штати спорт мулозимлари билан боғланиб, уларнинг жамоаси Олимпиадада иштирок этяптими деб сўрашди. Мулозимлар: «Агар штатимиз жамоаси Олимпиадада иштирок этаётган бўлса, бундан хурсандмиз. Уларга муваффақият тилаймиз ва олтин медаллар билан қайтишини тилаб қоламиз» - деб жавоб беришди.
