Руслан Нуриддинов Ўзбекистон делегациясига иккинчи олтин медални тақдим этди. Оғир атлетика бўйича вазни 105 кг.гача бўлган эркаклар ўртасида мусобақада иштирок этган ҳамюртимизга тенг келадиган рақиб топилмади.
Руслан Нуриддинов даст кўтаришда 194 кг. натижа қайд этгани ҳақида хабар бериб ўтгандик. Ҳамюртимиз дастлабки иккита уринишда 225 ва 230 кг. штангани кўтариб, олтин медални ҳал қилиб қўйди. Сўнгги уринишда олимпия рекорди ҳисобланган 237 кг. тошга буюртма берилди ва рекорд ўрнатилди!
Даст кўтаришда ғолиб чиққан яна бир юртдошимиз Иван Ефремов, силтаб кўтаришда 220 кг. штангани кўтарди. Унинг умумий натижаси 414 кг.ни ташкил қилди ва Иван 5-ўринни эгаллади.
Арманистонлик Симон Мартиросян 417 кг. натижа билан кумуш, қозоғистонлик Александр Зайчиков 416 кг. билан бронза медалини қўлга киритди.
Рио-2016. Оғир атлетика, эркаклар, 105 кг.
1. Руслан Нуриддинов (Ўзбекистон, 104,96) — 194 + 237 = 431 кг.
2. Симон Мартиросян (Арманистон, 104, 63) — 190 + 227 = 417
3. Александр Зайчиков (Қозоғистон, 104,51) — 193 + 223 = 416
4. Янг Чжэ (Хитой, 104,59) — 190 + 225 = 415
5. Иван Ефремов (Ўзбекистон, 104,90) — 194 + 220 = 414
6. Муҳаммадризо Барорий (Эрон, 104.65) — 186 + 220 = 406
7. Аркадиуш Михальский (Польша, 104,77) — 179 + 221 = 400
8. Артурс Плесниекс (Латвия, 103,99 кг) — 181 + 218 = 399
9. Бартломей Бонк (Польша, 104,07) — 180 + 0
