Оғир атлетика бўйича Германия терма жамоаси вакиллари уларнинг Рио—2016 Олимпиадасидаги рақиблари допингдан фойдаланаётганини қайд этган. Бу ҳақда «Чемпионат» Германиянинг Die Welt нашрига асосланиб хабар берди.
Немис оғир атлетикачиси Алмир Веладжич мусобақани ёқимсиз деб атаб, бир қатор ёш спортчилар уни рекорд даражадаги оғирликлар билан бошлаётгани ҳақида фикр билдирган.

Бунда спортчи қозоғистонлик Ният Раҳимовга алоҳида эътибор қаратиб, унинг допинг учун дисквалификациядан кейин аввалгидан 40 килограмм оғирроқ тошга буюртма берганини қайд этган. Немис атлети, шунингдек, Украина, Грузия ва Берарус терма жамоаларига ҳам эътибор қаратган.

Терма жамоа бош мураббийи Оливер Кардозо эса Қозоғистон, Беларусь, Ўзбекистон, Арманистон, Молдавия, Руминия, Украина каби мамлакат спортчилари допингдан мунтазам фойдаланиши ҳақида айтиб, уларни мусобақадан четлаштириш кераклиги борасида фикр билдирган.

29 июль куни Оғир Атлетика Халқаро Федерацияси Россия терма жамоасини ёзги Олимпиада ўйинларидан четлаштирганди.