Ҳозирги кунга келиб Олий лига ўйинлари қизғин паллага кириб бўлди. Энди буёғига ҳар бир очко олтинга тенгдир. Келинг, энди турнир жадвалидаги ҳолатдан келиб чиқиб, таҳлил қилсак. 

Чемпионликка асосий даъвогардан бири "Локомотив" бу йил мамлакат чемпионлигини нишонлаши борган сари ойдинлашмоқда. "Локо" қолган ўйинларда нари борса 3 очко йўқотиши мумкин, Чемпионлик учун имконияти - 65%. "Бунёдкор" жамоаси ҳам чёмпионликни мақсад қилганди. Фарғонадаги мағлубият ва "Маъшал" билан учрашувдаги дуранг "Бунёдкор" клубини имкониятини кескин пасайтириб юборди. Иккинчи даврани бошида жамоа 5 очкони йуқотди. Ваҳоланки, "қалдирғочлар"ни ҳали жуда ҳам қийин ўйинлар кутиб турибди. Чемпионлик учун имконияти - 35%. Қаршиликлар бу йил ҳам чёмпионлик баҳридан маҳрум бўлишади, шекилли, "Аждарлар" ҳеч мақсадларига эриша олишмаяпти, шунга қарамай "Насаф" бу йил ҳам медалларсиз қолиб кетмайдиганга ўхшамоқда. Навбатдаги бронзани олишга энг яхши имконият "Насаф" жамоасида - 60%.

Бира йўла тўртта жамоа 4-ўрин учун курашмоқда: "Металлург", "Қизилқум", "Бухоро", "Пахтакор". 4-ўрини олиш учун ҳозирча энг яхши имконият "Қизилқум"да - 35%. Сўнгра "Пахтакор" - 30%. Бу борада "Металлург"нинг имконияти 20% бўлса, "Бухоро"ники - 15%. Турнир жадвалининг ўрта қисмини - 8-ўринни олиш учун "Нефтчи" асосий даъвогар, фарғоналикларнинг имконияти - 80%. 9-12 - ўринларни- "Шўртан", "Олмалиқ" , "Маъшал" ва "Сўғдиёна" эгалаши эҳтимоли юқори.

Хўш, Олий лигада қайси жамоалар жон сақлаб қолади? Энг яхши имконият "Навбаҳор" жамоасида - 35%. Кейинги ўринда "Қўқон-1912" - 25%. "Андижон" ва "Обод" жамоаларида бир хил - 15%.

Бу бир математик тахмин, холос. Ҳаммасини вақт ва майдондаги ўйин кўрсатади. Ҳар бир жамоага ғалабали одимлар ҳамроғ бўлсин. Футболни севинг ва жамоангизни кўллаб-қувватланг!

Обид РУСТАМОВ