“Муқаддас қадамжолар – замондошлар нигоҳида” онлайн саёҳат лойиҳаси доирасида Имом Бухорий мажмуасида ФИФА Рефереси, “Буюк хизматлари учун” ордени соҳиби, Ўзбекистон "Миллий тикланиш" демократик партияси аъзоси Равшан Эрматовдан эксклюзив интервью олдик. Бу интервьюни қуйида эътиборингизга ҳавола этамиз.

- Ўзбекистонимиз бой тарихга эга, - дейди Равшан Эрматов. - Бизнинг диёримизда буюк алломалар, олимлар туғилишган. Юртбошимиз ҳам “Ўз тарихини билмаган халқнинг келажаги ҳам булмайди” деб кўп бора таъкидлаганлар. Бу айни ҳақиқат. Президентимиз раҳнамолигида истиқлол йилларида муқаддас қадамжолар, тарихий обидалар қайта тикланди. Касбимиз тақозоси билан кўпинча чет давлатларда бўлганимизда юртимизнинг тарихи билан қизиқишганда, биз фахрланиб юртимизда қандай инсонлар ўтишган, бизнинг ота-боболаримиз ким бўлганлигини фахр билан гапириб берганимизда, албатта бизга бўлган ҳурмати, эътибори янада ошиб кетади. Чунки, бизни тарихимизда дунё илм-фанига, цивилизациясига ўз ҳиссасини қўшган буюк алломалар ўтишган. Шунинг учун қадимий шаҳарларимиз Самарқанд, Бухоро, Хива каби тарихий шаҳарларимизда бўлганимизда, муқаддас қадамжоларни зиёрат қилганимизда руҳий озуқа оламиз.

Суратлар муаллифи: Бобур Алимходжаев

ЎзМТДП Ахборот хизмати