Сузиш бўйича 23 карра Олимпия чемпиони, америкалик спортчи Майкл Фелпс Рио-де-Жанейро Олимпиадасида туширилган бир видеода нима сабабдан қовоқ солиб турганига изоҳ берди. Спортчи рақиби Чад ле Клога норози қиёфада қараб тургани акс этган мазкур кадрлар интернетда оммалашиб кетди, деб маълум қилади TJournal.
Унинг тушунтиришича, ўша лаҳзада у аслида мусиқа тинглаб, диққатини бир жойга жамлашга уринаётган эди.
Ижтимоий тармоқларда ушбу кадрлар бир қанча ҳазиллар сабабчисига айланди ва кўп маротаба фотошопга солинди. Фелпс мазкур кадрлар орқали мультфильмлардаги ёвуз қаҳрамонлар ҳамда «Юлдузли жанглар» персонажларига ўхшатилди.