Бугун олий лига 19-тур учрашувларига старт берилади. Жамоамиз эртага 19 август куни ушбу турда “Пахтакор” жамоасини қабул қилади. Учрашув Қарши шаҳридаги “Марказий” стадионда соат 20:00да бошланади.
Ёшлар лигасининг ушбу турида бўладиган “Насаф”-“Пахтакор” учрашуви бугун ўтказилади. Бу учрашув Спутник қўрғонидаги ўринбосарларимиз қароргоҳи майдонида соат 17:30да бошланади.
“Насаф” жамоаси мухлислари орадан икки кун ўтиб яна бир қизиқарли учрашувга гувоҳ бўлишади. Жамоамиз 22 август душанба куни Ўзбекистон Кубоги-2016 ярим финали дастлабки учрашувини “Бухоро” жамоасига қарши ўтказади. Бу учрашув ҳам кеч соат 20:00да бошланиши аниқ бўлди.
Демак, жамоамиз мухлислари кетма-кет иккита муҳим ва қизиқарли учрашувни томоша қилишга муяссар бўлишади.
Барча мухлисларимиз номидан ҳар иккала учрашувда ҳам жамоамизга омад тилаб қоламиз! Олға “Насаф”!
