Ёшлар лигаси доирасидаги “Бунёдкор” – “Шўртан” баҳсида ёш “қалдирғочлар” рақибларига ҳеч қандай имконият қолдиришмади.
Учрашувнинг 2-дақиқасида ҳисоб очилди. Белгиланган жарима зарбасини шу куни ёшлар жамоаси сафида тўп тепган Виктор Карпенко қойилмақом тарзда бажарди ва бунёдкорчиларни олдинга олиб чиқди. 17-дақиқада дарвозадан чамаси 25-27 метрлар узоқликдан Нодирбек Мавлонов кучли зарба йўллаб, ҳисобни 2:0 кўринишига келтирди. Биринчи бўлимнинг қолган дақиқаларида ҳисоб бошқа ўзгармади.
Иккинчи тайм бошларида “Шўртан” ҳимоячилари ва посбони хатосидан Санжар Қодирқулов унумли фойдаланиб, ғузорликлар дарвозасини учинчи тўпни киритди. 65-дақиқада Суҳроб Иззатов рақибнинг уч футболчиси ва дарвозабонини алдаб ўтиб, тўртинчи голга муаллифлик қилди. Шундан сўнг “Шўртан” вакили Алишер Арслонов ҳисобни қисқартирувчи голни киритди ва учрашув 4:1 ҳисобида якунланди.
Шу тариқа, “Бунёдкор” ёшлари ўз ҳисобларига навбатдаги уч очкони қўшиб қўйишиб, мусобақа жадвалидаги якка пешқадамликларини давом эттиришмоқда.
Ёшлар лигаси-2016, 19-тур
“БУНЁДКОР” – “ШЎРТАН” 4:1 (2:0)
Голлар: Виктор Карпенко 2 (1:0), Нодирбек Мавлонов 17 (2:0), Санжар Қодирқулов 51 (3:0), Суҳроб Иззатов 65 (4:0) Алишер Арсланов 72 (4:1)
Огоҳлантиришлар: Нурилло Тўхтасинов 75 – Нурали Пардаев 42
“Бунёдкор”: 35.Абдукарим Муҳаммедов, 7.Нодирбек Мавлонов, 11.Миржаҳон Мираҳмадов, 16.Сардор Мадраҳимов, 17.Элбек Равшанов, 19.Санжар Қодирқулов, 27.Георгий Погосов, 33.Абдуллоҳ Исмоилов, 34.Хайрулла Каримов (С), 44.Нуриддин Ҳасанов, 77.Виктор Карпенко
Захира: 1.Элдор Адҳамов, 6.Александар Алемпиевич, 10.Фарруҳ Икромов, 15.Даврон Умиров, 18.Дилшодбек Аҳмадалиев, 40.Суҳроб Иззатов, 48.Нурилло Тўхтасинов
“Шўртан”: 1.Акмал Раҳимов, 4.Мирмуҳсин Сатторов, 5.Йўлчи Файзуллаев, 7.Ғулом Раҳмонов, 8.Олим Каримов, 9.Темур Комилжонов, 11.Жасур Холтўраев, 15.Шаҳзодбек Хурсанов, 18.Алишер Арслонов, 20.Нурали Падаров, 21.Аслиддин Абдиев
Захира: 93.Алибек Туробов, 3.Рустам Ҳайдаров, 6.Фаррух Ҳайдаров, 16.Севдиёр Хамроқулов, 19.Элёр Тоғаев
Ҳакамлар: Р.Копадзе (Фарғона) – 8,2; М.Каримов – 8,3; Н.Анфиногенов – 8,3; С.Еремеев – 9,0
Назоратчи: Р.Серазетдинов (Тошкент)
18 август. “Бунёдкор” футбол мактаби майдони. 63 томошабин
