Англиянинг «Манчестер Юнайтед» клуби шартнома имзолаган Поль Погба ўз вақтида унинг жамоадан кетишига йўл қўйиб берган Алекс Фергюсон ҳақида фикр билдирди.

«Мен Фергюсонни жуда ҳурмат қиламан», — деб Sky Sports’га асосланиб Погбадан иқтибос келтирган «Championat.asia». — «У буюк мутахассис. Фергюсон билан ҳеч қандай муаммо бўлмаган».

«Мен майдонга кўпроқ тушишни истардим, у эса буни эрта деб ҳисоблаган. Кутишга тайёр эмасдим. Шу сабаб йўлларимиз айрилди. Бироқ у билан ишлаш тажрибаси менга кўп нарса берди. Яна учрашамиз деб умид қиламан», — деб таъкидлаган Поль Погба.

Қайд этиш керак, Погба «Ювентус» сафига айнан «Юнайтед» орқали йўл олган бўлиб, орадан уч йил ўтгач собиқ клуби уни рекорд даражадаги сумма — 105 миллион еврога сотиб олди.