Пойтахтимиздаги «Бунёдкор» стадионида Ватанимиз мустақиллигининг 25 йиллигига бағишлаб «Гўзал ва бетакроримсан, муқаддас Ватаним, жоним сенга фидо, Ўзбекистоним!» шиори остида футбол бўйича «Ўзбекнефтгаз» миллий холдинг компанияси кубоги учун мусобақа ўтказилди.
«Ўзбекнефтгаз» миллий холдинг компанияси ходимлари ўртасида спортни оммалаштириш, меҳнат жамоаларида соғлом турмуш тарзини кенг тарғиб қилиш мақсадида ташкил этилган турнирда 16 жамоа ғолиблик учун баҳслашди.
Кескин баҳсларга бой ўтган мусобақада «Ўзнефтмаҳсулот» жамоаси бош совринни қўлга киритган бўлса, «Шўртангазкимё» жамоаси иккинчи, «Ўзгеобурнефтгаз» жамоаси учинчи ўринни эгаллади.
Жавоҳир Тошхўжаев, ЎзА
