Футбол бўйича Рио-2016 олимпиадасининг олтин медали мезбонлар терма жамоасига насиб этди. Бразилияликлар финалда Германия устидан пенальтилар сериясига кўра устун келишди.

Учрашувнинг 27-дақиқасида Неймар жарима зарбасини ажойиб тарзда голга айлантириб, ҳисобни очди. Иккинчи бўлимда Макс Майер мувозанатни тиклашга муваффақ бўлди. Ўйиннинг асосий ва қўшимча вақтларида ҳисоб бошқа ўзгармади.

Пенальтилар сериясида эса омад Бразилия олимпия терма жамоасига кулиб боқда. Олтин медаллар Неймар бошчилигидаги мезбон футболчиларига тақдим этилди.

Мусобақада учинчи ўрин Нигерияга насиб этди. Африкалар бронза медали учун беллашувда Гондурасни 3:2 ҳисобида мағлуб этди.

Бразилия U-23 – Германия U-23 1:1 (1:0, 0:1). Пенальтилар бўйича - 5:4
Голлар: 1:0 – 27 Неймар, 1:1 – 59 Майер.
Бразилия U-23 – Уэвертон, Маркиньос, Дуглас Сантос, Зе Карлос, Родриго Кайо, Уолас, Ренато Аугусто, Луан, Габриэл Жезус (Рафинья, 95), Неймар, Габриэл (Фелипе Андерсон, 70).
Германия U-23 – Хорн, Гинтер, Клостерманн, Толян, Зюле, Майер, Бендер, Брандт, Бендер (Премель, 67), Гнабри, Зельке (Петерсен, 76).
Огоҳлантиришлар: Зе Карлос (30), Габриэл (44), Зельке (49), Премель (80), Бендер (81), Зюле (89).