Бутунжаҳон аксилдопинг агентлигининг (WADA) Ричард Макларен раҳбарлигидаги мустақил комиссияси Халқаро олимпия қўмитасига Россия спортидаги допинг масаласи юзасидан ўтказилган текширув ҳақида батафсил маълумот тақдим этишдан бош тортди. Бу ҳақда журналистлар билан суҳбат чоғида ХОҚ президенти Томас Бах маълум қилди, деб хабар беради «ТАСС».
«Биз WADA мустақил комиссиясидан батафсилроқ ахборот тақдим этишни сўраган эдик, аммо Макларен ҳали вақт келмагани боис бу ишни қилмаслигини айтди», — деди Бах.
Мустақил комиссия 18 июль куни 2014 йилги Олимпия ўйинларида йўл қўйилган допинг қоидабузарликлари ҳақидаги ҳисоботни тақдим этган эди.
