Германия олимпиячилари ҳимоячиси Роберт Бауэр Рио-2016 финалидан сўнг мухлисларга истеҳзо қилиб, 1:7 ҳисобини кўрсатди. Ўйинда Бразилия пенальтилар сериясида ғалаба қозониб, олимпиада чемпиони бўлган эди.
«Ингольштадт-04» клубининг 21 ёшли футболчини ўзининг бу ҳаракати билан ЖЧ-2014 яримфиналидаги Бразилия - Германия ўйинига шамаъ қилди. Унда немислар 7:1 ҳисобида ғалаба қозонишган эди.
Аммо кейинроқ, Бауэр бу ҳатти-ҳаракати учун мухлислардан узр сўради. «Ўйин пайти эҳтиросларга берилибман. Бу ишорам билан кимнидир ранжитган бўлсам, узр сўрайман. Бразилияни олтин билан табриклайман» - деди футболчи.
