Бразилиянинг Рио-де-Жанейро шаҳридаги Хитой элчихонаси 2016 йилги Олимпиада ташкилий қўмитаси устидан нотўғри байроқни қўллагани учун расмий шикоят берди, деб ёзади «ТАСС».
Аввалроқ мукофотлаш маросимларининг бир нечтасида хитойлик спортчилар шарафига нотўғри байроқлар кўтарилган эди, уларда кичик юлдузлар ярим доира шаклида эмас, параллел тарзда жойлашган эди.
Ҳодиса Рио-де-Жанейродаги Хитой элчисини ташкилий қўмитага расмий шикоят беришга мажбур қилди. Кўплаб хитойлик маданият арбоблари ижтимоий тармоқларда воқеа юзасидан норозилик билдириб, хитойлик мухлислар кайфиятини бузмасликка чақирди.
