Хабарингиз бор, ушбу ҳафтада ёшлар ва олий лиганинг 20-тур ўйинлари бўлиб ўтади. “Андижон” жамоамиз бу сафар “Бухоро”ни қабул қилади. Бўлажак баҳсларнинг бошланиш вақтлари маълум бўлди.

Унга кўра, 25 август, пайшанба куни ёшлар жамоалари иштирокидаги баҳс Шўрбулоқ даҳасидаги “Футболга ихтисослаштирилган мактаб интернати”нинг сунъий қопламали майдонида бўлиб ўтади. Мазкур учрашув соат 17:00да бошланади.

26 август жума куни эса олий лига доирасидан ўрин олган учрашув “Соғлом авлод” стадионида соат 18:00да старт олади.

26 август, жума куни жамоамизнинг "Бухоро"га қарши кечадиган учрашувини тошкентлик ҳакамлар гуруҳи бошқариб борадиган бўлди.

Олий лиганинг 20-туридан ўрин олган "Андижон" - "Бухоро" баҳсини Виктор Серазетдинов бошқариб боради. Унга қанотларда Тимур Галеев билан Акбар Пўлатов ассисентлик вазифасини ўтаб беради. Захирадаги ҳакам эса фарғоналик Равшан Кападзе.

Учрашув назоратчи ҳаками сифатида эса қашқадарёлик Шамил Жумаев ташриф буюради.

Навбатдаги турдаги рақибимиз "Бухоро" жамоаси бугун Қаршида "Насаф" билан Ўзбекистон Кубогининг ярим финал дастлабки учрашувини ўтказади.