Рио-2016 Олимпиадаси бокс мусобқасида 52 кг вазнгача бўлган спортчилар Шаҳобиддин Зоиров ва россиялик Михаил Алоян ўртасидаги финал учрашувидан сўнг "Спорт-Экспресс" эксперти Андрей Баздрев фикрларини билдирди.
Учрашувда ўзбекистонлик Шаҳобиддин Зоиров ғалаба қозониб Олимпиада олтин медалига сазовор бўлди.
"Финалда Алоянга ўзбек боксчиси Шаҳобиддин Зоиров дуч келди, - деб ёзади Баздрев, - Ёш, оч ва тезкор, қўшимча ёқимсиз жиҳат - чапақай. Жанг тенг кечди. Биринчи раундда Алояннинг қўли баланд келди. Миша оёқлари билан яхши ишлади, тажрибасига таяниб, рақибнинг фикрларини ўқий олди, бошлар тўқнашганда ўзбек кўпроқ жиддий йўқотишларга учради.
Кейин эса Алоян сустлашди. Зоиров бунга мослаша олди ва унинг аниқ зарбалари кўпайди - Алоян гоҳ жағига, гоҳ чаккасига учиб келаётган ўнг томон хук зарбаларни пайқамай қолди. Агар биринчи раундда ҳакамлардан иккитаси Алоянни, биттаси Зоировни ғолиб деб топишган бўлса, иккинчи раунда барча ҳакамлар Шаҳобиддинни танлашди. Учинчи раунд са лоторея бўлди".
