Рио-де-Жанейро шаҳрида Ёзги Олимпия ўйинларининг ёпилиш маросими бўлиб ўтди. Эстафетани Токио шаҳри қабул қилиб олди.
Хабарингиз бор, 2020 йилда айнан шу шаҳарда Ёзги Олимпия ўйинлари бўлиб ўтади.Олимпиаданинг ёпилиш маросими Маракана стадионида бўлиб ўтди.
Маросим сўнггида Олимпия машъаласи ўчирилди ҳамда Халқаро Олимпия Қўмитаси Президенти Томас Бах Олимпия ўйинларини ёпиқ деб эълон қилди. Шундан сўнг "Маракана"да карнавал бошланди.
Эслатиб ўтамиз, Олимпиада баҳслари 5 август куни бошланган бўлиб, шу ўтган вақт давомида жами 28та спорт тури бўйиқча 306та медаллар жамланмаси ўйналди.
Энг кўп медални АҚШ терма жамоаси эгаллади (46та олтин, 37та кумуш ва 38та бронза) Иккинчи ўрин Буюк Британия делегациясига насиб этди (27та олтин, 23та кумуш ва 17та бронза). Учинчи ўринда Хитой (26та олтин, 18та кумуш ва 26та бронза).
Ўзбекистон терма жамоаси жами 13та медал (4та олтин, 2та кумуш ва 7та бронза) жамғарган ҳолда 21-ўринни банд этди.
