Хабарингиз бор боксчимиз Ҳасанбой Дўсматов якунига етган Олимпиада-2016 нинг энг яхши боксчиси сифатида Вэл Баркер Кубоги соҳибига айланди.
"Миллий тикланиш" партияси Андижон вилояти кенгаши матбуот котиби Муборак Талабоева мана шундай ҳаёжонли дамларда чемпион Ҳасанбой Дўсматов хонадонида бўлиб унинг ота-онаси хурсандчилиги билан ўртоқлашди.
Ҳар бир спортчининг орзуси чемпион бўлмоқдир. Мана, дуоларингиз ижобат бўлиб, ўғлингиз чемпион бўлди. Чемпион Ҳасанбойнинг болалиги ҳақида сўзлаб берсангиз.
М.Хайитбоев – Рио – 2016 олимпиадаси олтин медаль соҳиби Ҳасанбой Дўсматовнинг отаси:
Маъруфжон ака, сиз энг бахтли оталардан бирисиз. Бугун сизга ҳамма ҳавас қилмоқда. Албатта, бу кунларга осонликча эришилмади. Бўлажак чемпионнинг қизиқишларига оила аъзоларининг муносабати қандай эди?
– Ўғлимнинг қизиқишларига ҳамиша эътибор беришга ҳаракат қилганмиз, лекин халқимизда “Ўригидан мағзи ширин” деган гап бор. Отам Дўсматжон ва онам Буойшахонлар фарзандимиздаги спортга бўлган илк қизиқишни уйғотган. Орзулари собиқ тузум давридаги бир ёқлама сиёсат туфайли пахтазорда қолиб кетган ота-онам Ҳасанбойни беш ёшида қишлоқдаги каратэ ва кикбоксинг тўгарагига олиб борди. Ўғлим бутун борлиғи билан спортга киришиб кетди. Қаерда янги тўгарак очилганини эшитса, ўша ерга олиб боришимизни сўрарди. Яна набирани етаклаб, бувиси йўлга тушарди... Андижон олимпия захиралари коллежига ҳам бувижониси олиб борган. Ҳасанбойнинг қизиқишлари шунчаки болаларча инжиқлиқ эмаслигини бувижониси исботлаб берди. Бугун эса ўша меҳнатлари самарасини кўриб, набираси билан фахрланмоқда
Ўғлингизни Рио де-Жанейрога кузатаётганингиздаги кечинмаларингиз билан ўртоқлашсангиз.
М.Хайитбоев:
– Мен ўша кунги ҳолатимни таърифлаш ёки тасвирлаш учун сўз тополмайман. Ҳасанбой чемпион бўлишини чин дилдан хоҳлардим.
Ҳасанбой Рио де-Жанейродан Ўзбекистонга қайтганда, юзма-юз кўришганингизда фарзандангизга айтадиган биринчи гапингиз...
М.Хайитбоев:
– Уни бағримга маҳкам босиб, (кўзида қувонч ёши билан) “Юзимизни ёруғ қилганинг учун раҳмат, болам” , дейман.
