Аргентина бош мураббийи Эдгардо Бауса «Барселона» ҳужумчиси Лионель Мессини миллий терма жамоага қайтишига изоҳ берди.

«Мен Месси билан учрашганимда, уни қайтишга кўндирмадим. Биз икки соат мобайнида футбол ҳақида гаплашдик. Натижада унинг ўзи терма жамоага қайтишни хоҳлади.

Мен Аргентинада уни танқид қилувчи юз нафар аҳмоқ борлигини айтдим. Агар уларга қулоқ солинса, ақлдан озиш мумкин.

Месси терма жамоага қайтиб, у билан ғалаба қозонишни истаяпти. У дунёнинг энг яхши футболчиси. Мен уни майдоннинг икки уч нуқтасида синаб кўрмоқчиман. Баъзи нарсаларни келишиб олдик, бироқ мавжуд футболчиларнинг имкониятларидан келиб чиқамиз» - деди Бауса.