Бугун Ўзбекистон миллий терма жамоаси пойтахтимиздаги "Пахтакор" стадионида Буркина-Фасога қарши ўртоқлик учрашуви ўтказади.
Маълумки, терма жамоамиз 1 сентябрь куни Жаҳон чемпионати 3-саралаш босқичи биринчи турида Сурияга қарши учрашувни ўтказади. Айнан бугунги ўртоқлик учрашувидан сўнг терма жамоамизнинг саралаш босқичидаги илк ўйинида майдонга тушадиган таркиби аниқ бўлади.
Бугунги ўйинда легионерларимиз – Одил Аҳмедов, Виталий Денисов, Сардор Рашидов ва Санжар Турсунов майдонга тушмайди. Улар терма жамоамиз сафиа кечроқ қўшилиши кутилмоқда.
Ўзбекистон – Буркина-Фасо учрашуви бугун “Пахтакор” стадионида 20:00да бошланади. Учрашувни ФИФА рефериси Шерзод Қосимов бошқариб боради, унга Маъмур Саидқосимов ва Руслан Серазитдинов ёрдам беради. Тўртинчи ҳакам - Дмитрий Пислегин.
