«Валенсия» раҳбарияти ҳужумчи Пако Алькасерни сотиб олишга уринаётган «Барселона»нинг ҳатти-ҳаракатидан норози, деб хабар бермоқда AS.
Каталония клуби вакиллари шартнома борасида Алькасер билан келишиб олингани ва бу ҳақда тез орада эълон қилинишини билдиришган.
Ўз навбатида «Валенсия» икки клуб президентлари учрашишгани, аммо футболчининг трансфери борасида келишувга эришилмагани ҳақида гапирмоқда. «Кўршапалаклар» ҳужумчини 30 миллион еврога сотишга рози бўлмаган.
Футболчининг ўзи эса «Барселона»га тезроқ ўтишни истамоқда.
