Яримҳимоячи Бастиан Швайнштайгер «МЮ»дан кетгач, Европанинг бошқа клубида ўйнамаслигини маълум қилди.
«Манчестер Юнайтед» менинг Европадаги сўнгги клубимдир. Бошқа клубларни ҳурмат қилган ҳолда шуни айтишим мумкинки, айнан «МЮ»да ўйнаш учун «Бавария»ни тарк этгандим. Агар ёрдамим керак бўлса, у ҳолда майдонга тушишга тайёрман. Юзага келган вазият бўйича бошқа ҳеч нарса деёлмайман. Мени қўллаб-қувватлаб турган мухлисларга миннатдорчилик билдираман» - деб ёзди Швайнштайгер Твиттер саҳифасида.
Эслатиб ўтамиз, Жозе Моуриньо Швайнштайгерни хизматидан воз кечиб, уни ёшлар жамоасига тушириб юборган эди.
