«Бавария» бош директори Карл-Хайнц Румменнигге мюнхенликларнинг янги мавсумдаги вазифалари тўғрисида гапириб берди.
«Кетма-кет тўрт марта Германия чемпиони бўлдик, бу яхши. Аммо кетма-кет беш марта чемпион бўлиш бундан ҳам яхшироқ бўларди. Бундеслига ғолиби бўлиш биз учун бош мақсад бўлиб қолаверади.
Янги мавсум бошланмоқда, бизда янги ўйинчилар, янги мураббий бор. Ўзимизга бўлган ишонч ортмоқда. Харид қилган футболчиларимиз ҳам энг яхшилардан.
Хуммельс ҳимоямизни мустаҳкамлайди. Саншеш Европа чемпионатида ҳаммани лол қолдирди» - деди Румменигге.
