Англия терма жамоаси бош мураббийи Сэм Эллардайс Рио-2016 олимпиадасининг футбол мусобақасидан завқ олганини билдириб, кейинги олимпиадага қадар Буюк Британия терма жамоасини тузиш кераклигини айтди.
«Биз бу лойиҳа устида ўйлаб кўришимиз керак. Бу келажак учун муҳим жараён. Умумий терма жамоа ўйини жуда қизиқарли бўларди. Ҳар тўрт йилда бир марта Буюк Британия терма жамоаси иштирок этса, ажойиб бўларди» - деди Эллардайс Daily Mail хабарида.
Эслатиб ўтамиз, Лондон-2012 олимпиадасида Буюк Британия терма жамоаси иштирок этган, бироқ чоракфиналдан ўта олмаган эди.