Рио-де-Жанейро шаҳрида 5–21 август кунлари бўлиб ўтган Олимпия ўйинларида иштирок этган спортчилар 4891 допинг намунасини топширди, деб хабар бермоқда «ТАСС».
«Олимпиадада топширилган допинг намуналари сони 4891 тага тенг. Шулардан 4027 таси пешоб, 444 таси қон, 421 таси қон паспорти намуналари», – дейилади Халқаро олимпия қўмитаси матбуот хизмати хабарида.
Россия олимпия қўмитаси раҳбари Александр Жуков Рио–2016 Олимпиадасида россиялик спортчилар 360 та допинг намунаси топширганини маълум қилди.
