Кеча олий лиганинг 20-тур доирасида бир қатор учрашувлар ўз якунига етди. Жумладан Бухоронинг "Бухоро" жамоаси ушбу турда водийга сафар уюштирди ва "Андижон" жамоасига қарши майдонга тушди. "Насаф"дан учралган мағлубиятдан сўнг бухороликлар ушбу учрашувда анча қийинчиликга дуч келишлари тахмин қилинаётган бир пайтда, футболчилар характер кўрсатиб, йирик 4:1 ҳисобида ғалаба қозонишди.

Учрашув давомида Азиз Ибрагимов 3 марта гол киритиб,хет-трик қайд этган бўлса, молдавиялик легионер Вадим Чемиртан бир маротаба гол киритиб, "Бухоро"нинг йирик ғалабасини таъминлади. Айтиш жоиз-ки, "Бухоро" футболчиси охирги марта 2008 йил хет-трик қайд этган эди. Орадан 8 йил ўтиб "Бухоро" футболчиси Азиз Ибрагимов битта учрашувда 3 та тўп киритиб, ушбу статистикани янгилади.