Россия премьер-лигасининг 5-тури доирасида «Краснодар» ўз майдонида «Локомотив»ни қабул қилди.

Ҳар иккала жамоа таркибидаги ўзбекистонлик футболчилар — Одил Аҳмедов ва Виталий Денисов ўйинни асосий таркибда бошлашди. Биринчи бўлим тугашига 4 дақиқа қолганида қарши ҳужумда "Локомотив" футболчиси Александр Самедов бирга-бир вазиятга чиқди. Унинг дастлабки зарбасини дарвозабон қайтарди, такрорий зарба билан Самедов дарвозани ишғол қилди.

Иккинчи бўлимда белгиланган иккита пенальти ўйин тақдирини ҳал қилди. Дастлаб иккинчи бўлим бошида Фёдор Смолов 11 метрли зарбадан дарвозани ишғол қилган бўлса, орадан 10 дақиқа ўтиб Хенти "Краснодар" дарвозасини пенальтидан ишғол қилди.

Ўйинга қўшиб берилган дақиқаларда майдон эгалари ҳисобни тенглаштиришлари мумкин эди. Мартинович йўллаган зарбадан сўнг тўп устунга тегиб қайтди.

Ушбу ўйинда Одил Аҳмедов 65-дақиқада майдондан олинган бўлса, Денисов учрашувда тўлиқ ҳаракат қилди.

"Локомотив" мавсумдаги кетма-кет 4та дурангдан кейин илк ғалабасини қўлга киритди ва "темирйўлчилар" ўз очколарини 7тага етказишди. "Краснодар" ҳисобида ҳам 7 очко мавжуд.

Россия Премьер-лигаси, 5-тур
"КРАСНОДАР" - "ЛОКОМОТИВ" - 1:2 (0:1)
Голлар: 0:1 – 41 Самедов, 1:1 – 48, пенальти Смолов, 1:2 – 56, пенальти Хенти.
Краснодар – Крицюк, Мартынович, Енжейчик, Калешин (Быстров, 71), Гранквист, Одил Аҳмедов (Торбинский, 65), Газинский, Подберезкин (Жоаозиньо, 65), Перейра, Ари, Смолов.
Локомотив – Гильерме, Чорлука, Виталий Денисов, Шишкин, Пейчинович, Тарасов, Ндинга (Михалик, 90), Самедов, Миранчук, Майкон (Коломейцев, 55), Хенти (Шкулетич, 87).
Огоҳлантиришлар: Чорлука (45), Тарасов (78), Пейчинович (85), Торбинский (90).