Хитойда бўлиб ўтадиган U-16 ўсмир қизлар ўртасидаги Осиё чемпионати саралаш баҳсларида 3-тур ўйинлари ўтказилди.

Вьетнам мамлакати мезбонлик қилаётган саралашнинг "D" гуруҳидаги 3-турида Ўзбекистон U-16 ўсмирлар терма жамоаси Гонгконг қизларига қарши майдонга тушди ва 2:0 ҳисобида ғалаба қозонди. Натижада улар 3 ўйиндан сўнг 4 очко жамғариб, гуруҳдаги учинчи ўринга чиқиб олишди.

Ўзбекистон U-16 ўсмир қизлари навбатдаги ўйинини 1 сентябрь куни Ироқ ўсмир қизларига қарши ўтказади.

U-16 ўсмир қизлар ўртасидаги ОЧ саралаши. Ханой, Вьетнам.

"D" гуруҳи, 3-тур.

Ўзбекистон U-16 – Гонгконг U-16 – 2:0.

Голлар: Тожинисо Рашидова (52), Диёра Эркинова (77)

Ўзбекистон U-16: Зарина Саидова, Озода Хожиева, Маржона Тўраева, Шахноза Юсупова, Сўғдиёна Алламуродова (Шахноза Фозилова 46), Тожинисо Рашидова (Парвина Шомирзаева 90), Альбина Бобоқулова, Анора Фармонова, Илвина Камалиева (Диёра Эркинова 37), Меҳриёна Тоирова, Мадина Ҳикматова.