Москвада халқлар дўстлиги футбол мусобақаси ўтказилди. У Халқаро Ислом бизнеси ассоциацияси раҳбари, «Пахтакор» клубининг собиқ футболчиси Марат Кабаев бошчилигида ташкил қилинди.
Мусобақада машҳур спортчилар, футбол юлдузлари, миллий жамоат вакиллари, талабалар, диний идора ходимлари ва Туркия, Саудия Арабистони, Тожикистон, Ўзбекистон, Эрон, Озарбайжон ва бошқа элчихоналарнинг ходимлари иштирок этишди. Ҳар бир иштирокчи футбол юлдузларидан ташкил топган жамоа таркибида ўйнаш имкониятига эга бўлди. Мусобақадан сўнг барча эсдалик совғаларига эга бўлишди.
«Халқлар дўстлиги турнири спортни ҳар доим сиёсатдан ташқарида эканини кўрсатиб берди. Барча иштирокчиларга ўз миннатдорчилигимни билдираман» - деди Марат Кабаев мусобақа якунида.
