Лондоннинг «Арсенал» клуби яримҳимоячи Жек Уилширни кимга ижарага бериш борасида бош қотирмоқда.
The Mirror хабарига кўра, 24 ёшли футболчи «Кристал Пэлас» клубига ўтишга яқин турибди. Бироқ «бургутлар» бу борада бошқа клублар билан рақобатлашишига тўғри келади, чунки «Арсенал» футболчининг трансфери бўйича 22 клубдан таклиф олган.
Уилшир билан қизиққан клублар орасида «Рома», «Валенсия», «Борнмут», «Уотфорд» ва «Вест Бромвич» бор.