Ўзбекистон - Сурия (1:0) ўйинида ягона голи билан бизга ғалаба келтирган ҳужумчимиз Александр Гейнрих ўйиндан сўнг ўз фикрини баён қилди.
"Оғир ўйин бўлди ва майдон ҳам оғир эди. Рақиб қаттиқ қаршилик кўрсатди, ўзи ҳам ўйнамади, бизга ҳам имкон бермади. Лекин Худога шукр ғалаба қозондик. Бугунги ўйинда кўп вазиятлардан фойдалана олмадик. Келаси ўйинда бу камчиликларни бартараф қилишга ҳаракат қиламиз. Гол уришимни сезганмидим? Мен ҳужумчиман, ҳар бир ўйинда гол уриш мақсадида майдонга тушаман. Бошқача бўлиши мумкин эмас. Ғалаба муробак Ўзбекистон!" - деди Гейнрих.
