1news.uz — Бугун юртимизнинг барча гўшаларида ажиб байрам шукуҳи ҳукм суряпти. Энг улуғ, энг азиз байрам кунида водийнинг гўзал вилоятлардан бири бўлган Андижонда ҳам кўплаб тантаналарга гувоҳи бўлдик.
Вилоят марказида Бразилиянинг Рио-де-Жанейро бўлиб ўтган Олимпида баҳсларида чемпионликни қўлга киритиб, жаҳоннинг энг нуфузли спорт мусобақасида юртимиз байроғини юқориларга кўтарган Ҳасанбой Дўстматов ва Руслан Нуридиновларни шарафлаш тадбири бўлиб ўтди.
Анжуманда кенг жамоатчилик вакиллари, фаол ёшлар иштирок этдилар. Тадбирда сўз олган вилоят ҳокими Шуҳратбек Абдураҳмонов йиғилганларни Мустақиллигимизнинг 25 йиллик тўйи билан табриклаб, чемпионларни эришган ғалабалари билан қутлади. Ҳасанбой Дўстматов ва Руслан Нурудиновлар ўзлари эришган ютуқлар мамлакатимизда спортга бўлган юксак эътибор натижаси эканини таъкидлаб ўтдилар.
Ҳар икки чемпионга вилоят ҳокими совғаси “Шевроле Жентра” автомашиналарининг калитлари топширилди.
Элмурод Эрматов, Андижон
