КОНКАКАФ минтақасида ЖЧ-2018 саралашининг 4-босқичи доирасида 5-тур ўйинлари бўлиб ўтди.

Гондурас терма жамоаси ўз майдонида Канадани қабул қилди ва иродали ғалабани қўлга киритди (2:1). Ушбу ғалабадан кейин гондурасликлар ўз очколарини 7тага етказиб олган бўлса, Канада "А" гуруҳида 4 очко билан 3-ўринда қолмоқда. Канадаликлар кейинги босқичга чиқишлари учун сўнгги турда Салвадорни камида 5та тўп фарқи билан мағлуб этиб, Гондураснинг Мексикага ютқазишларини кутишлари керак. Бу гуруҳда Мексика 12 очко билан муддатидан аввал навбатдаги босқич йўлланмасини қўлга киритиб бўлган.

ЖЧ-2018 - КОНКАКАФ. 5-тур
Гондурас - Канада - 2:1
Голлар: Жеймс, 35 (0:1); Мартинес, 45+2 (1:1); Киото, 50 (2:1).

"A" гуруҳи:
1. Мексика - 12 очко (4та ўйин)
2. Гондурас - 7 (5)
3. Канада - 4 (5)
4. Сальвадор - 2 (4).