Аргентина ва «Ювентус» ҳужумчиси Пауло Дибала терма жамоадаги дебют ўйини ҳақида ўз фикрини баён қилди. Футболчи Уругвайга (1:0) қарши ўйинда майдонга тушиб, қизил карточка билан жазоланган эди.
«Месси билан ўйнашни ҳар доим орзу қилганман. У фаолиятини тугатишини эълон қилганида, бу орзум амалга ошмай қолди деб қўрққанман.
Майдондан четлатилганимда Месси менга тасалли берди. Мен жудаям хафа бўлган эдим. Дебютимни шундай тарзда юз беришини кутмагандим» - деди Дибала Football Italia хабарида.