Аргентина терма жамоасининг собиқ яримҳимоячиси Хуан Себастьян Верон футболга қайтишга қарор қилиб, «Эстрелла де Бериссо» ҳаваскорлар клубида дастлабки ўйинни ўтказди.

41 ёшли футболчи «Сан Лоренсо де Вилла Кастеллс» клубига қарши ўйинда майдонга тушиб, ягона гол муаллифи бўлди.

2008 ва 2009 йилларда Жанубий Американинг энг яхши футболчиси деб тан олинган Верон футболни соғинганини маълум қилди. Фаолияти давомида у «Парма», «Лацио», «Манчестер Юнайтед», «Челси» ва «Интер» клубларида ўйнаган эди.