Ўзбекистон Республикасининг Биринчи Президенти Ислом Каримов вафоти муносабати биланНаманган вилоятида ҳам видолашув маросимлари бўлиб ўтмоқда.
Халқимиз учун азиз ва қадрли бўлган Юртбошимиз раҳнамолигида асрларга татигулик ишлар амалга оширилгани, одамларнинг ҳаётга муносабати ўзгариб, онгу тафаккури ва турмушида кескин юксалишлар рўй бергани айни ҳақиқат. Бу жудолик ватандошларимиз учун оғир йўқотиш бўлди. Наманган вилояти марказида жойлашган “Хотира хиёбони”да муҳтарам Президентимиз билан видолашув тадбирлари ўтказилмоқда. Халқимиз аҳолиси қалблардаги алам ва кўзлардаги ёш билан Президентимиз портрети пойига гуллар қўйиб таъзим бажо келтиришмоқда. Кўпчилик ватандошларимиз каби “Навбаҳор” футбол клуби вакиллари ҳам муҳтарам Президентимизга таъзим бажо келтириб, у кишининг порлоқ хотиралари олдида бош эгдилар. Мотам тадбирида клуб вакиллари, мураббийлар штаби ва жамоаси аъзолари иштирок этишди.
