Бугун Европа қитъасида ЖЧ-2018 саралаш босқичи ўйинлари давом этади.
"I" гуруҳида Хорватия терма жамоаси ўз майдонида Туркияни қабул қилади.
Ушбу жамоалар шу кунга қадар жами 7 марта тўқнаш келишган. 3 учрашувда Хорватия ғалаба қозонган бўлса, қолган 4 беллашувда муроса кўчаси танланган. Тўплар нисбати 9:4 Хорватия фойдасига!
Туркия термаси Хорватияни ўйиннинг асосий вақтида бирор маротаба ҳам ютмаган. Бироқ Евро-2008 чорак финалида турклар пенальтилар сериясига кўра хорватларни мағлуб этиб, ярим финалга чиқишган эди.
Айни пайтда ФИФА рейтингида Хорватия 15, Туркия эса 19-ўринда бормоқда.
