Европа клублари ассоциацияси (ЕКА) раҳбари Карл-Хайнц Румменигге ва УЕФА ҳамкорлигида ишлаб чиқилган Чемпионлар лигасининг янги формати клубларга ҳозиргига қараганда кўпроқ маблағ ишлаб олиш имкониятини беради.
Агар ҳозирда Чемпионлар лигаси иштирокчиларига 2,35 млрд евро тақсимланаётган бўлса, 2018 йилдан бошлаб бу сумма 3,2 миллиард еврони ташкил қилади.
Сешанба куни ЕКА ташкилотининг 17-анжуманида Румменигге барча иштирокчиларни бу лойиҳа билан батафсил таништиради.
Эслатиб ўтамиз, 2018 йилдан бошлаб Англия, Испания, Италия ва Германиянинг 4та клуби Чемпионлар лигаси гуруҳ босқичига саралаш ўйинларисиз йўл олади. Шунингдек, учрашувларнинг бошланиш вақти ҳам ўзгартирилади.
