Европада ЖЧ-2018 саралаш ўйинлари давом этмоқда. Украина терма жамоаси ўз майдонида Исландияни қабул қилди. Бу янги бош мураббий Андрей Шевченко учун илк ўйин бўлди.

ФИФА қарорига кўра мухлисларсиз ўтказилган ўйинни Украина жуда бўш бошлади. 5 дақиқада Финнбогасон дарвозабон билан юзма-юз чиқиб, уни алдаб ўтди ва осонлик билан гол урди.
Бўлим охирида ўзига келган мезбонлар ҳисобни тенглаштиришга муваффақ бўлди. Коноплянкани узоқ масофадан йўллаган зарбасини дарвозабон қайтарганида, уни эгаллаб олган Ярмоленко бўш қолган дарвозани ишғол этди.
Украина бу ўйинда ғалаба қозониши ҳам мумкин эди. Бироқ 77-дақиқада Коноплянка пенальтини аниқ амалга ошира олмади.

Украина – Исландия 1:1 (1:1)
Голлар: Ярмоленко (41) – Финнбогасон (5)
Украина – Пятов, Ракицкий, Соболь, Бутко, Кучер, Зинченко (Шахов, 90), Сидорчук (Зозуля, 63), Коноплянка, Степаненко, Ярмоленко, Коваленко.
Исландия – Хальдерссон, Скуласон (Магнуссон, 41), Сэварссон, Сигурдссон, Арнасон, Сигурдссон, Гудмундссон (Хадльвредссон, 85), Гуннарссон, Бьярнасон (Траустасон, 75), Бедварссон, Финнбогасон.
Огоҳлантириш: Кучер (12), Гуннарссон (22), Финнбогасон (59).