Рио-де-Жанейродаги Олимпия ва Паралимпия шахарчасида Ўзбекистон байроғини кўтариш маросими бўлиб ўтди.
2016 йил 7 сентябрь куни Рио-де-Жанейро (Бразилия)даги Олимпия ва Паралимпия шахарчасида Ўзбекистон байроғини кўтаришга бағишланган маросим бўлиб ўтди.
Маросимда Ўзбекистон спорт делегацияси аъзолари, ХV ёзги Паралимпия ўйинлари ташкилий қўмитаси ва Рио-де-Жанейро вакиллари иштирок этди.
Олимпия ва Паралимпия шахарчаси мэри баскетбол бўйича Бразилия термаси таркибида жаҳон чемпиони бўлган Жанет дус Сантуш Аркаин хоним Ўзбекистон делегациясини Паралимпиадага ташрифи билан қаршилаб, уларга бўлғуси мусобақаларда омад ёр бўлишини тилади.
Ўзбекистон делегацияси раҳбари, Ўзбекистон Миллий паралимпия ассоциацияси раиси ўринбосари Умид Ахмаджонов Олимпия ва Паралимпия шаҳарчаси мэрига миннатдорчилик билдириб, унга делегация номидан совғаларни тақдим этди.
