Украина терма жамоасининг матбуот котиби Александр Гливинский Россияда ўтадиган ЖЧ-2018 мусобақасини бойкот қилиниши ҳақидаги хабарларга изоҳ берди.
«Бундай бўлмайди. Бу хабарлар – уйдирма. Биз саралаш мусобақасида иштирок этяпмиз. Мақсадимиз – гуруҳда биринчи ўринни олиш ва ЖЧ финал босқичига чиқиш. Бошқа вазифа қўйилмаган» - деди Гливинский ТАСС хабарида.
Аввалроқ, "Известия" Украина терма жамоаси Россия билан сиёсий зиддият мавжудлиги туфайли, ЖЧ-2018да иштирок этишдан бош тортиши мумкинилиги ҳақида ёзган эди.