МТРКнинг "Спорт ТВ" телеканали футбол бўйича ўсмирлар ўртасидаги Осиё чемпионати учрашувларини трансляция қилади. Бу ҳақда ЎФФ матбуот хизмати “Телеграм” канали орқали маълум қилди.
Темур Олимхўжаев бошчилигидаги Ўзбекистон U-16 терма жамоаси 15 сентябрь – 2 октябрь кунлари Ҳиндистоннинг Гоа шаҳрида бўлиб ўтадидан Осиё чемпионати гуруҳ босқичида Таиланд, КХДР ва Яман ўсмирлар терма жамоасига қарши баҳс юритади.
Футболчиларимиз илк ўйинни 17 сентябрь куни таиландлик тенгдошларига қарши ўтказишади. Аввалроқ "Спорт ТВ" Колумбияда бўлиб ўтадиган футзал бўйича Жаҳон чемпионати ўйинларини трансляция қилиши ҳақида хабар берилганди.
