«Навбаҳор» - «Олмалиқ» (3:3) учрашувидан кейин дастлаб “Олмалиқ” жамоаси бош мураббийи Игорь Шквирин ўйин ҳақидаги фикрлари билан ўртоқлашди: -

Ўйин ҳақида нима ҳам дейиш мумкин. Биринчи бўлимдан кейин икки тўп фарқи билан олдинда бораётиб, уч дақиқа оралиғида иккита тўп ўтказиб юбориб, яна бир бор гол уришга эришдик. Кейин эса керак бўлмаган қизил карточка. Шунга қарамай дурангни сақлаб қола олдик. Қайд этилган дуранг натижа кимга қанақа бўлди. “Навбаҳор” жамоасини иккинчи бўлим бошларида фаолликни оширгани сезилди. Ана шундай бўлиши ҳақида йигитларни огоҳлантирдик. Қисқа вақт оралиғида иккита гол ўтказиб юборган эканмиз, уларга буни тўғри тушунтира олмабмиз. Бугунги натижадан умуман қониқмадим. Икки тўп фарқи билан олдинда бораётиб, қарши ҳужумлардан самарали фойдалана олмадик. Қолаверса, ўйин охирларида яхшигина имкониятни голга айлантира олганимизда ғалаба қозонишимиз ҳам мумкин бўларди. Фақатгина камчиликда қолган бўлсакда, дурангни сақлаб қола олганимиздан қониқиш ҳосил қилдим.