«Навбаҳор» - «Олмалиқ» (3:3) учрашувидан кейин “Навбаҳор” жамоаси бош менеджери Равшан Бозоровнинг учрашув ҳақидаги фикрлари қуйидагича бўлди:

- Учрашув давомида йигитларда хаёжон сезилди. Умуман олганда ўйин тенг бўлди дейиш мумкин. Устунлик гоҳ, меҳмонларда гоҳ бизда бўлди. Рақиб ташаббусга эришган вазиятларда иккита тўп ўтказиб юбордик. Шундан кейин вазиятни ўнглашга эришиб, дурангни таъминлашга эришишди. Шундан кейин учинчи тўпни ўтказиб юборган бўлсакда, йигитлар ирода кўрсатиб, дурангни таъминлай олишди. Гарчи дуранг натижа бизни қониҳтирмасада, воқеалар ривожини бу тарзда давом этишидан келиб чиққан ҳолда фикр юритадиган бўлсак, дуранг ғалабага тенг бўлди. Биринчи бўлимда футболчиларимиз хато қилишдан чўчиб, хаёжонланишди. Шу сабабли рақиб икки тўп фарқи билан олдинга чиқиб олганди. Танаффусда айрим ўзгаришларни амалга ошириш орқали вазиятни ўнглашга эришдик.