Катта дубулға туркумига кирувучи US Open мусобақасининг аёллар ўртасидаги мусобақа ғолибини аниқланди. Финалга германиялик Анжелик Кербер ва чехиялик Каролина Плишкова етиб келишганди.

Кербер ўз фаолияти давомида бир марта "катта дубулға"ни қўлга киритган бўлса, Плишкова учун бу йирик мусобақадаги илк финал эди. Шу боис бўлса керак, Каролина биринчи сетда жуда ҳаяжонланди ва асабийлашди. Бехато ўйнашга ҳаракат қилган Кербер биринчи сетни ўз фойдасига ҳал қилди — 6:3.

Ўйиннинг боришидан баҳс иккита сетда якунига етадигандек эди. Боз устига, иккинчи сет бошида Кербер рақибнинг тўп узатишида брейк очкони қўлга киритди. Аммо Плишкова ўзига келиб олди ва сетлар бўйича ҳисобни тенглаштирди — 6:4.

Ҳал қилувчи сетда чехиялик теннисча чарчаб қолди ва тажовузкор ўйинини намойиш қила олмади. Анжелик Кербер бундан самарали фойдаланди ва Us open бош совринини қўлга киритди.  

US Open-2016. Аёллар. Финал
Анжелик Кербер (Германия, 2) – Каролина Плишкова (Чехия, 10) – 6:3, 4:6, 6:4